عدد المساهمات : 918 نقاط : 2668 شكرآ : 0 تاريخ التسجيل : 05/01/2010 الموقع : https://hamess.own0.com
موضوع: قصه وقصيده الإثنين يناير 25, 2010 12:04 pm
كان نفسي اكتب اللي لـه تبـون بس مدري وشتبون اكتـب لكـم عن عصافير الهوى فوق الغصون أوعن اللي ضاع وصلـه بينكـم او عن اللي جرحه دمع العيـون يشكي الغربـه وعلمـه عندكـم والحقيقه ماعرفـة اللـي تبـون يا الله انـه لا يضيـع وصلكـم
شعر عزام
( قصة وقصيده )
بصراحه ماعرفة وش اكتب ولا كن اخترت لكم هذه القصه او السالفه وهي قديمه جدا ومع قدمها الا انها موجعه ومحزنه لما فيها من عقوق وحرمان ونكران جميل نسأل الله السلامه تدور هذه القصه على رجل ............................................ ؟ ماتت زوجته وله منها اربع عيال بس .
وحلف انه ما يتزوج حرمه ثانيه عشان ما تقسى على عياله او توريهم الويل وعشانه يعرف ان ما فيه احن من الأم على عيالها وكان اذا راح للصيد يخليهم عند خوالهم لأنهم صغار واذا رجع اخذهم ورجعو لبيتهم وكان كل الصيد اللي يجيبه يشويه لهم ويجهزه لهم ويقوم يوكلهم بنفسه لين يشبعون ولا ياكل ابد ابد الا بعد مايعرف انهم اكلو وشبعو بعدكذا ياكل هو وكان بعض الأحيان الصيد مايجمل يعني قليل بس يالله انه يكفيهم وهو كان يتصنع عندهم انه شبعان واذا نامو شرب ماء او ربط بطنه بحصاه ( حجر ) عشان يسد الجوع أيه راحت السنين وكبرو العيال وصارو شباب ونزلو الديره وخلو البداوه وصار هم الأبو انه يزوج عياله ويشوف ذريتهم قبل لا يموت وطبعا هذي امنية كل ابو وام وقام هالرجال وباع مايملك عشان يزوج عياله الأربعه ولا خلا عنده الا شي قليل وزوجهم وشاركهم فرحتهم وزي مايصير دايم سكن الأبو عند الولد الكبير وعياله الباقين صارو يروحون ويجون عليه بالمسايير واخذو وقت بس للأسف ماجرة الأمور على مايبي نكدة عليه زوجة ولده وأهملته ولا تكلم ولا قال لولده اي شي وكتمها واكتوا بنارها وتطورة الأمور وقالت لزوجها ليش بس حنى اللي نتكفل ببوك ليش اخونك بعد مايكون لهم نصيب ويصير مره عندنا ومره عندهم يعني بالدور كعب داير من ردات حض الولد وعقوقه وافق وخضع لزوجته وصار الأبو مره هنى ومره هنى لين ملوه كلهم واتفقو على انهم يحطونه بخرابه عند المسجد ويصير الرايح والجاي يعطف عليه ولا ينسونه من الصدقات وفعلن سووها وصار الأبو بهالخرابه مثل البسسه وياكل ماجاه من فضلات الأكل لين مات وتصدقون انه مات بالخرابه ولا فقده احد ولا حسو الناس فيه او عرفو الا بعد ما طلعت ريحت الرجال أنتنة الجثه بس مات وترك بعده شي عضيم يجسد ما صار ويحفره بعقول الناس وهي قصيده حصلوها عنده بالخرابه وهي عباره عن دعوه دعاها على عياله العاقين وقامة الناس تتذاكرها وتحفضها وهي على مايقولون بأن الله استجاب لدعوته وتزوجو عياله بدل المره اربع مرات عشان الضنا يبون العيال بس مافيه فايده قضاء الله عليهم بهالدعوه واسرد لكم القصيده متضمنه الدعوه علما ان اسم هالرجال هو ( جحيش ) مثل ما ذكره بالقصيده .
قصة وقصيدة الشاعر/ جحيش بن مهاوش في أبنائه وفي الختام ارجو ان تحوز على رضاكم وأعجابكم ولكي نعتبر من غيرنا بما جرى عليهم واوعدكم بالمشاركة الثانيه بقصه وقصيد رائعه ويدما لها الجبين ،،،،،،،،،،،،،
موضوع: قصه وقصيده 
الإثنين يناير 25, 2010 12:04 pm
