كلمات اغانى ام كلثوم

للصبر حدود

عبد الوهاب محمد

ماتصبرنيش بوعود وكلام معسول وعهود

انا ياما صبرت زمان على نار وعذاب وهوان

واهى غلطه ومش ح تعود

ولو ان الشوق موجود وحنينى اليك موجود

ولكن للصبر حدود ...ياحبيبى

دوبنى الحب كتير وداريت فى القلب كتير

ورضيت عن ظلمك لكن كل ده كان له تأثير

والقرب اساه ورانى البعد ارحم بكتير

ولقيتنى وانا بأهواك خلصت الصبر معاك

وبأملى اعيش ولو انه ضيع لى سنين فى هواك

واهى غلطه ومش ح تعود

اكتر من مره عاتبتك واديت للك وقت تفكر

اكبر من طيبه قلبى اكبر من طوله بالى

اكبر من قوه حبى مع كل الماضى الغالى

كان قلبى كبير بيسامحك انما كان غدرك اكبر

ولقيتنى وانا بأهواك خلصت الصبرمعاك

وبأملى اعيش ولو انه ضيع لى سنين فى هواك

واهى غلطه ومش ح تعود

ماتصبرنيش ما خلاص انا فاض بيه ومليت

بين لى انت الاخلاص وانا اضحى مهما قاسيت

دا مفيش فى الدنيا غرام بيعيش كده ع الاوهام

والحب الصادق عمره مايحتاج لكلام

وبأملى اعيش ولو انه ضيع لى سنين فى هواك

واهى غلطه ومش ح تعود

ولقيتنى وانا بهواك خلصت الصبر معاك

ولو ان الشوق موجود وحنينى اليك موجود

ياقلبى كان مالك

للشاعر / يحيى محمد

ياقلبى كان مالك ومال الغرام

ماكان صحيح جه الغرام ع المرام

اعشق وحب وميل وشوق اتته كمان

وان كان غرام اوهام وذل وخصام

خليك بعيد عنه وعيش فى امان

ياما الغرام ياقلبى لوع كتير

غير وشافوا المر فيه والعذاب

عايز تعيش العمر كله اسير

وتكون ضحيه للملام والعتاب

وان كان غرام اوهام وذل وخصام

خليك بعيد عنه وعيش فى امان

حياتى عذاب

للشاعر/ كامل الشناوى

نسيت النوم واحلامه نسيت لياليه وايامه

بعيد عنك حياتى عذاب

ما تبعدنيش بعيد عنك

ماليش غير الدموع احباب

معاها بعيش بعيدا عنك

غلبنى الشوق وغلبنى وليل البعد عنك

ومهما البعد حيرنى ومهما السهد سهرونى

لا طول بعدك يغيرنى ولا الايام بتبعدنى

بعيد عنك

لالوم ولا دمع فى عينى ما خلاش الفراق فى

نسيت النوم .. واحلامه نسيت لياليه ..وايامه

وبين الليل والامه وبين الخوف واوهامه

بخاف عليك وبخاف تنسانى

والشوق اليك على طول صحانى

غلبنى الشوق ...

افتكرنى .. لحظه حلوه عشنا فيها للهوى

وافتكرنى ...مره غنوه يوم سمعنانا سوى

خد من عمرى ...عمرى كله

الا ثوانى اشوفك فيها

الشوق اه م الشوق وعمايله

ياما ذاريها ياما ياما احكيها ياما

كنت باشتقلك وانا وانت هنا

بينى وبينك خطوتين

شوف بقينا ازاى انا فين ياحبيبى وانت فين

والعمل ايه العمل

ماتقولى اعمل ايه

والامل انت الامل

تحرمنى منك ليه

عيون كانت بتحسدنى على حبى

ودلوقت بتبكى على من غلبى

وفين انت يانور عينى ياروح قلبى فين

فين اشكيلك فين عندى كلام وحاجات

فين دمعى ياعين بيريحنى بكايا ساعات

فكرونى

تاليف عبد الوهاب محمد

كلمونى تانى عنك فكرونى فكرونى

صحوا نار الشوق فى قلبى وفى عيونى

رجعوا لى الماضى بنعيمه وهناوته

وبحلاوته وبعذابه وبشاوته

وافتكرت فرحت وياك قد ايه

وافتكرت فرحت وياك قد ايه

وافتكرت كمان ياروحى بعدنا ليه

بعدما صدقت انى قدرت انسى

بعد ما قلبى قدر يسلاك ويقسى

جم بهمسه وغيرونى كانوا ليه بيفكرونى

بعدما تعودت بعدك غضب عنى

بعدما نسيت الامانى والتمنى

كلمتين اتقالوا شالوا الصبر منى

صحوا فى عنيه حنين لابتسامتك

وابتدا قلبى يدوبنى باهته

وابتدا قلبى الليل يبقى اطول من ساعاته

واسهر اسمع نبض قلبى بيناديك

روحى فيك مهما جرى انا روحى فيك

تسوى ايه الدنيا وانت مش معايا

هى تبقى الدنيا دنيا الا بيك

اللى فات وياك ياروحى بأعود اليه

واللى عشته معاك رجعت اعيش اليه

بعدما صدقت انى قدرت انسى

بعد ما قلبى قدر يسلاك وينسى

جم بهمسه وغيرونى كانوا ليه بيفكرونى

جرحوا الجرح اللى قرب يبقى ذكرى

سهرونى اعيش فى بكره وبعد بكره

ياحياتى انا كلى حيره

ونار وغيره وشوق اليك

نفسى اهرب من عذابى نفسى ارتاح بين ايديك

والخصام والهجر وليالى الاسيه

كل دول مايهونوش حبك عليه

رحنا واتغيرنا احنا الا هو

هو نفس الحب واكثر هو نفس الشوق واكثر

واللى جوه القلب كان فى القلب جوه

اللى فات وياك ياروحى اعيش عليه

واللى عشته معاك رجعت اعيش عليه

بعد ما قلبى قدر يسلاك ويقسى

جم بهمسه وغيرونى كانوا ليه بيفكرونى

ياحبيبى حياتى بعدك مستحيله

ياحبيبى والحياه ايام جميله

ليه نضيع عمرنا هجر وخصام

واحنا تقدر نخلق الدنيا الجميله

بالوداد والقرب تتحدد حياتنا

بالحنان والحب تتبدل اهاتنا

واللى جاى نعيشه احلى من اللى فاتنا

والقمر من فرحنا ح ينور اكثر

والنجوم ح تبان لنا اجمل واكبر

الشجر قبل الربيع ح نشوفه اخضر

واللى فات ننساه ننسى كل اساه

ياللا نلحق م الزمن ايام صفاه

دى الحياه من غير لقانا مش حياه

واحنا مش ح نعيش ياروحى مرتين

فكرونى ازاى انا امتى نسيتك

دانت اقرب منى ليه يا هنايا

مهما كانت بعيد عليه او معايا

تنتهى الايام وتطوى العمر منا

وانت حبك للابد مالوش نهايه

اسال روحك

للشاعر / عبد الوهاب محمد

اسأل روحك اسأل قلبك قبل ماتسأل ايه غيرنى

انا غيرنى عذابى فى حبك بعد ما كان املى مصبرنى

غدرك بيه اثر فيه

واتغيرت شويه شويه اتغيرت ومش بأيديه

وبديت اطوى حنينى اليك واكره ضعفى وصبرى عليك

واخترت ابعد وعرفت اعند

حتى الهجر قدرت عليه شوف القسوه بتعمل ايه

كنت زمان بالاقيك بحنانى بحر محبه وبر امان

كنت باحس ان انت زمانىويومى وبكره وبعده كمان

كنت باشوفك بعيون حبى وانت بعيد وانت بقربى

اقرب من بسمتى لشفايفى اقرب من احساسى لقلبى

بعد الود اللى راعيتهولك بعد الحب اللى وهبتهولك

غدرك بيه اثر فيه

واتغيرت شويه شويه اتغيرت ومش بأيديه

انا مانسيتش الحب وعهده ولا ايامه ولا لياليه

اما ان كان عالحب لوحده من غير ظلمك اهلا بيه

دأنا حيرنى هواك وانا علشان انساك

بابعد عن كل مكان رحته ولو مره معاك

واهرب من اقرب ناس يعرفوا قصتى وياك

وبغير اى كلام بيجيب سيره لذكراك

وصلتنى للحال دهبأيديك بعد ما كنت روحى فى ايديك

سيبتك من غير حتى ما افكر حاقدر اسيبك او مش حاقدر

غدرك بيه اثر فيه

واتغيرت شويه شويه اتغيرت ومش بايديه

اسال روحك اسال قلبك قبل ده كله اتغيروا ليه

انا غيرنى فى حبك لكن انت غيرك ايه

هو حنانى عليك قساك حتى عليه

والارضايا عليك قساك حتى عليه

والارضايا كان خلاك تلعب بيه

والاتسامح روحى معاك غرك فيه

انا يا حبيبى صحيح باتسامح الا فى عزه نفسى وحبى

وما يفيض بى ما عرف اصالح واعرف لحبى كتير على قلبى

غدرك بيه اثر فيه

واتغيرت شويه شويه اتغيرت ومش بأيديه

وبديت اطوى حنينى اليك واكره ضعفى وصبرى عليك

واخترت ابعد وعرفت اعند حتى الهجر قدرت عليه

وانت ياعينى لو فى مكانى كنت حاتعمل غير كده ايه

اسأل روحك

» كلمات اغانى ام كلثوم
» كلمات اغانى ام كلثوم
» كلمات اغانى ام كلثوم
» كلمات اغانى ام كلثوم
» كلمات اغانى ام كلثوم